GRUPO FOLK TARXA

Grupo Folk Tarxa
TARXA nace no ano 1984 no seno da Asociación Veciñal, Cultural e Deportiva "Monte da Mina" de Castrelos o 14 de Febreiro coa intención de facer música popular galega, recollida dos cánticos tradicionais e do amplo cancioneiro de diversos poetas galegos, entre outros Rosalía, Celso E. Ferreiro, Eduardo Pondal e Lamas Carvajal.
No ano 1990, coa incorporación do novo director, Francisco Pérez Lago, prodúcese un xiro no estilo musical do grupo, xa que a partires deste intre coménzase a interpretar pezas de producción propia.
O grupo componse actualmente de 10 membros que nas súas actuacións empregan diversos instrumentos musicais, sobre todo guitarras, laúdes, bandurrias, flautas, gaitas, pandeiros, pandeiretas, ...
Entre as actuacións máis destacadas do grupo encóntranse as realizadas na Festa Labrega de Lancara (Lugo), en Homenaxe ó Vello Mariñeiro de Marín, na Festa do Viño do Condado de Salvaterra, no Ateneo de Combarro, no Festival para a Integración do Minusválido (AISGA), no pobo de Castelao (Chantada), e recentemente, no programa de TVG, LUAR, así coma noutras ó longo do noso país.
En Maio do ano 2001, participa nun certame de folk en Aveiro (Portugal). Tamén cabe destacar as actuacións no auditorio de Baiona, Riveira (Coruña), etc.
O Grupo graba a súa primeira cinta-cassette, que foi presentada a primeiros de Marzo de 1996 no Local Social da Asociación.
Reseñar que este grupo se atopa acollido ó Plan Cultural da Deputación Provincial de Pontevedra polo que as actuacións poderíanse xestionar a través da Deputación, por intercambio, polo circuito Move Vigo (FAVEC) ou por calquera outro medio a acordar.